هو العيد شنو?? ??
هو العيد شنو?
غير لمة الناس والاهل
وغير فرحة تنبع من فؤاد
بي نية سمنه علي عسل
والدنيا تكتسي بالجمال
تتفتح ابواب الامل
وبينا الوداد قيساب حنين
واحلامنا من فوق لي زحل
عيد البلد دا براهو كوووم
لا بينا غِل لابينا لوم
عيدآ يعود بالخير. دوام
تسبُق تبشايرو الغيوم
تتسرب الانفاس حواس
ترحل تباريحنا وتقوم
ولمة بعضنا مع الصغار
منظر بيعكس لينا جيل
يجتاح مشاعرنا السماح
يصبح براح الريد جميل
هيبة تلاحُمنا بتكون
في القعده لاعند المقيل
صورة بتجسد لينا وُد
وتضاهي هامات النخيل??
والعيد سمح لمن يكون
بين الحبايب والصحاب
عودة قرايبك من سفر
رغم المكابد. والصعاب
لمتنا في الضل الرهين
كم ياما بتنسي العذاب
ح تبقى كل الدنيا حُب
يوم يبقو كل الناس قُراب
هُوشة الضبايح من فجر
والدنيا كلها باقي عيد
والعافي مالي الروح فرح
مظهر يعيشو الكُل سعيد.
اطفال يغنو ويلعبو!!!
ودا هناك بيقول في نشيد
اجمل مراسم من سعد
واصرارنا للاحزان يبيد
